Cəlilabadda 13 kiloqramdan artıq müxtəlif növ narkotik vasitələr saxlayan narkokuryerlər tutulublar. Bu haqda məlumatı Cenublu.az bu gün, 2 sentyabr tarixində verir.
DİN-dən alınan məlumata görə, onlar bu narkotik vasitələrin satışını təşkil etmək üçün paytaxt ərazisinə gətirmək tapşırığı alıblar.
Narkotik vasitələrin qanunsuz dövriyyəsində şübhəli bilinən Salyan rayon sakini Bəhruz Hüseynov və Sabirabad rayon sakini, əvvəllər məhkum olunmuş Cavid Bayramov saxlanılıblar. Cəlilabad şəhərində saxlanılan şəxslərdən 5 kiloqram 300 qram heroin, 8 kiloqram 300 qram marixuana, əlavə olaraq metamfetamin və 100 ədəd metadon həbi aşkarlanaraq götürülüb. Araşdırma zamanı B.Hüseynov və C.Bayramovun şəxsiyyəti istintaqla araşdırılan, İranda yaşayan narkotacir tərəfindən narkokuryerliyə cəlb edildikləri müəyyən edilib.
Məhkəmənin qərarı ilə hər iki şəxs barəsində həbs qətimkan tədbiri seçilib.
Faktla bağlı Cəlilabad RPŞ-də araşdırma aparılır.
