Cəlilabad rayonunda süni gölə düşən 18 yaşlı qız polis əməkdaşları tərəfindən xilas olunub. Bu haqda məlumatı Cenublu.az bu gün, 4 aprel tarixində Report.az-a istinadən verir.
Cəlilabad rayonu ərazisində qız Petrovka gölü kimi tanınan su hövzəsinə düşüb. Həmin vaxt ərazidən keçən Cəlilabad Rayon Polis Şöbəsinin iki əməkdaşı qızın suya düşdüyünü və boğulmaqda olduğunu görərək dərhal gölə atılıb və onun boğulmasının qarşısını alıblar.
Həmin şəxs polis əməkdaşları tərəfindən xəstəxanaya çatdırılıb.
Faktla bağlı araşdırma aparılır.
