Cəlilabad rayon Mədəniyyət Mərkəzinin əməkdaşları şəhid Camal Əliyevin evində olublar. Bu haqda bu gün, 26 sentyabr tarixində Cenublu.az Masallı Rayon Mədəniyyət İdarəsinə istinadən xəbər verir.
Mərkəzin direktoru Ramil İbrahimov, Xanəgah kənd mədəniyyət evinin işçiləri və kənd xəstəxanasının əməkdaşı Zaur Abbasov şəhidin məzarı başında olublar. Daha sonra işçilər ailəni ziyarət edərək qayğıları ilə maraqlanıblar. Ziyarət zamanı şəhidin atasına məxsus həyətdə bayraq dirəyi quraşdırılıb və Azərbaycan Respublikasının Bayrağı asılıb.
Şəhid Camal Əliyev ölümündən sonra “Vətən uğrunda”, “Cəbrayılın azad olunmasına görə”, “Xocavəndin azad olunmasına görə” medalları ilə təltif olunub.
