Bu gün, 30 mart tarixində şair Arif Fərzəlinin doğum günüdür. Onun 68 yaşı tamam olur.
Arif Fərzəli 1956-cı ildə Masallı rayonunun Xırmandalı kəndində anadan olub. Azərbaycan Dövlət Universitetinin Kimya fakültəsini bitirib. Atası Xudakərim müəllim “Məftun” imzası ilə şeirlər yazardı. Atasının şairlik istedadından qaynaqlanan Arif Fərzəli gənc yaşlarından şeirlər yazır. Şeirləri Masallıda çıxan “Çağırış” qəzetindən başlayaraq respublikanın dövrü mətbuatında nəşr olunur.
Arif Fərzəli uzun müddət pedaqoq kimi fəaliyyət göstərsə də, bədii yaradıcılığa ömürlük könül verib. Azərbaycan Yazıçılar Birliyinin üzvü olan şairimizin “Toxuma həsrət torpaq”, “Sizin dünya”, “Ömür yarımçıq qalmır”, “Yağışa düşən qərib”, “Tarix kitabı”, “Ömürdən iki yarpaq” kitabları işıq üzü görüb.
