Bu gün, 27 dekabr tarixində Lənkərandan olan şəhid Zabil İbadzadənin xatirəsi anılır.
İbadzadə Zabil Fikrət oğlu 1996-cı ildə Lənkəran rayonunun Gəgiran kəndində anadan olub. O, Vətən müharibəsi zamanı Cəbrayılın və Qubadlının azadlığı uğrunda gedən döyüşlərdə vuruşub.
Z.İbadzadə noyabrın 5-də Qubadlı döyüşləri zamanı şəhid olub. Lənkəran rayonunda dəfn edilib. Ailəli idi. Bir oğlu yadigar qalıb.
O, ölümdən sonra “Vətən uğrunda”, “Cəbrayılın azad olunmasına görə” və “Qubadlının azad olunmasına görə” medalları ilə təltif edilib.
