Bu gün, 11 mart tarixində Azərbaycan Silahlı Qüvvələrinin MAXE hərbi qulluqçusu, Vətən müharibəsi şəhidi Hüseyn Vətənxan oğlu Zeynallının mövlud günüdür.
Hüseyn Zeynallı 1993-cü ildə Cəlilabadda anadan olub. Cəlilabad rayon Əliabad kənd tam orta məktəbini bitirdikdən sonra 2011-2012-ci illərdə hərbi xidmətdə olub. Üç il Daxili Qoşunlarda xidmət etdikdən sonra Milli Orduda MAXE kimi çalışıb.
Vətən müharibəsi zamanı Hüseyn Zeynallı Füzuli döyüşlərində savaşıb. 30 sentyabr 2020-ci ildə Füzuli rayonu Yuxarı Seyidəhmədli kəndi istiqamətində hücuma keçərkən şəhid olub. Cəlilabadda dəfn edilib.
Ölümündən sonra "Vətən uğrunda", "Füzulinin azad olunmasına görə" və 3-cü dərəcəli "Vətənə xidmətə görə" ordeni ilə təltif olunub.
