Bu gün, 19 sentyabr tarixində astaralı igid, Vətən müharibəsi şəhidi Sadiq Kamal oğlu Zeynalovun doğum günüdür.
Sadiq Zeynalov 1998-ci ildə Astara rayonunun Ərçivan qəsəbəsində anadan olub. 2016-2018-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. 2018-ci ildən isə müddətdən artıq həqiqi hərbi xidmət qulluqçusu olaraq xidmət edib.
Vətən müharibəsi zamanı Cəbrayılın, Füzulinin və Qubadlının azadlığı uğrunda gedən döyüşlərdə savaşıb. 25 oktyabrda Qubadlı döyüşlərində şəhid olub.
Ölümündən sonra Zeynalov "Cəbrayılın azad olunmasına görə", "Füzulinin azad olunmasına görə" və "Cəsur döyüşçü" medalları ilə təltif olunub.
