Astara rayonunun dağlıq Şüvi kəndində torpaq sürüşməsi qeydə alınıb. Bu haqda məlumatı Cenublu.az bu gün, 22 dekabr tarixində Apa.az-a istinadən verir.
Sürüşmə intensiv və leysan xarakterli yağışlar səbəbindən baş verib. Nəticədə kənd sakini Habil Cümşüdova məxsus evin iki otağında çatlar əmələ gəlib.
Məlumata görə, vətəndaş bununla bağlı Rayon İcra Hakimiyyətinə müraciət edib. Qurum tərəfindən əraziyə baxış keçirilib. Baxış zamanı təsdiqlənib ki, ev qəzalı vəziyyətdədir. Bununla bağlı vətəndaş məlumatlandırılıb, müvafiq qurumlara müraciət edilib.
Qeyd edək ki, sürüşmə zonasında 10-a yaxın ev var. 15-20 metr eninə, 50 metr aşağı – çaya doğru sürüşən torpaq qatı ətraf evlər üçün də təhlükə yarada bilər.
[caption id="attachment_50813" align="alignnone" width="336"]
Foto Apa.az[/caption]
