O.Kazımi adına Astara Şəhər Uşaq Musiqi Məktəbində görkəmli Azərbaycan bəstəkarı, Xalq artisti Süleyman Ələsgərovun anadan olmasının 100 illiyinə həsr olunmuş tədbir keçirilib. Bu haqda məlumatı Cenublu.az bu gün, 24 fevral tarixində verir.
Tədbirdə bəstəkarın yaradıcılığından bəhs edən videoçarx nümayiş olunub. Sonra məktəbin müəllim və şagirdlərinin ifasında musiqi əsərləri və mahnılar səsləndirilib.
Tədbirdə S.Ələsgərovun tələbələri olmuş Lənkəran-Astara Regional Mədəniyyət İdarəsinin baş məsləhətçisi Ş. Bayramov və məktəbin müəllimi Ç.Eyvazov çıxış edərək xatirələrini paylaşıblar.
