Astara Dövlət Rəsm Qalereyasında keçirilən “Sərhədlərimizin keşiyində” mövzusunda rəsm müsabiqəsinin qalibləri müəyyənləşib. Bu haqda məlumatı Cenublu.az bu gün, 18 avqust tarixində verir.
Azərbaycan Respublikası Sərhəd Qoşunlarının yaradılmasının 104 illiyinə həsr olunan müsabiqədə 30 nəfər istedadlı yeniyetmə, gənc və həvəskar rəssamlar iştirak ediblər. Nəticələrə əsasən:
- I yerə Şüvi kənd tam orta məktəbinin IX sinif şagirdi Əliyeva Aysun İlham qızı;
- II yerə Astara rayonu Deqədi kənd tam orta məktəbinin VII sinif şagirdi Əmirzadə Elida Babək qızı;
- III yerə isə Astara şəhər 6 saylı tam orta məktəbin IX sinif şagirdi İsayeva Xədicə Ceyhun qızı layiq görülüblər.
Qaliblər Azərbaycan Respublikasının Fəxri Mədəniyyət İşçisi, Azərbaycan Rəssamlar İttifaqının üzvü Firudin Quliyev, Astara Dövlət Rəsm Qalereyasının direktoru Naibə Mustafayeva, Lənkara-Astara Regional Gənclər və İdman İdarəsinin Astara rayonu üzrə gənclər və idman sektorunun baş məsləhətçisi İqrar Cəfərov tərəfindən qiymətləndirilib və Lənkəran-Astara Regional Gənclər və İdman İdarəsinin diplomları ilə təltif olunublar.
