Bu il fevralın 23-də Astara rayonunun kəndlərindən birində keçmiş ərinin ikinci arvadını bıçaqlayan qadının məhkəməsi baş tutub. Bu haqda məlumatı Cenublu.az bu gün, 4 avqust tarixində Asiya.az-a istinadən verir.
Cinayəti törədən Şəhla bildirib ki, ərinin ikinci arvadı Mədinə (adlar şərti verilib) onun evdən getməsini tələb edib və bu səbəbdən onların aralarında mübahisə yaranıb. Nəticədə birinci mətbəx bıçağı ilə qadının sağ bud nahiyəsinə vurub.
Təqsirləndirilənə qəsdən sağlamlığa xəsarət yetirmə maddəsi ilə ittiham elan edilib. Astara Rayon Məhkəməsinin hökmü ilə Şəhla aylıq qazancının 20 faizi məbləğində dövlət nəfinə pul tutulmaqla altı ay müddətinə islah işləri cəzasına məhkum edilib.
