Astara rayon Heydər Əliyev Mərkəzində “Gələcəyimizi birlikdə düşünək - Narkomaniyaya yox deyək!” mövzusunda sərgi və tədbir baş tutub. Bu haqda məlumatı Cenublu.az bu gün, 29 noyabr tarixində verir.
Tədbirdə mövzu ətrafında geniş məruzə edilib. Qeyd olunub ki, Azərbaycan Respublikasında narkomaniya və narkobizneslə mübarizənin əsası ümummilli lider Heydər Əliyevin rəhbərliyi ilə qəbul edilmiş "Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizə haqqında” 18 iyun 1999-cu il tarixli Qanunu olub. Daha sonra Azərbaycan Respublikasının Prezidenti İlham Əliyevin 22 iyul 2019-cu il tarixli Sərəncamı ilə "Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı"nın təsdiq edilməsi görülən işlərin davamı olub.
Sonra tədbir iştirakçıları Mərkəzin foyesində təşkil olunmuş Astara rayon Heydər Əliyev Mərkəzinin və Astara rayon Dövlət Rəsm qalereyasının birgə təşkil etdikləri “Narkomaniya bəşəriyyətin bəlasıdır” mövzusunda sərgiyə baxış keçiriblər.
Qeyd edək ki, tədbir Yeni Azərbaycan Partiyasının Astara rayon təşkilatının, Astara rayon Heydər Əliyev Mərkəzinin, Astara Dövlət Rəsm Qalereyasının, Astara rayon Tarix-diyarşünaslıq muzeyinin, Astara rayon Pedaqoji Kollecinin, Astara şəhər F.Əliyarov adına 6 saylı tam orta məktəbinin və Astara rayon M.Abiyev adına Vaqo kənd tam orta məktəbinin birgə təşkilatçılığı ilə baş tutub.
