Astara rayonunun Kakalos Tarix-Diyarşünaslıq Muzeyində mərhum jurnalist, Əməkdar mədəniyyət işçisi Şakir Yaqubovun xatirə guşəsi açılıb. Bu haqda məlumatı Cenublu.az bu gün, 28 fevral tarixində verir.
Acılış mərasimində yazıçının ailə üzvləri və dostları iştirak ediblər. Fəxri mədəniyyət işçisi Fərbiyə Şabanova qonaqlara guşənin yaradılması barədə məlumat verib.
Qeyd edək ki, Şakir Yaqubov “Azərbaycan gəncləri, “Kommunist” (indiki “Xalq qəzeti”), “Həyat” (indiki “Azərbaycan”), “Səhər” və “Panorama” qəzetlərində müxtəlif janrlı çoxsaylı maraqlı məqalə və publisistik yazılarla çıxış edib. "Mən şahidəm ki…", "Hakim mərkəzi göstərər", "Bizim səfər haçandı?!", "Banişevski olduğu kimi", "Taleyimdən keçənlər", "Yaddaşımın küncündən…", "Bir az da futbol(umuz)dan" və digər kitabların müəllifi idi.
