Astara Rayon Polis Şöbəsinin Dövlət Yol Polisi Bölməsinin əməkdaşları tərəfindən reyd keçirilib. Bu haqda məlumatı Cenublu.az bu gün, 23 avqust tarixində verir.
Astara rayonunda kobud yol qayda pozuntularına yol verən, digər hərəkət iştirakçıları üçün təhlükə yaradan sürücülərlə bağlı keçirilən profilaktik tədbirlər zamanı avtomobillərin texniki vəziyyətinə qanunsuz müdaxilə edərək əlavə avadanlıqlar quraşdıran, ötmə və manevr qaydalarını pozan, sürücülük vəsiqəsi olmadan sükan arxasına keçən, yükdaşıma və sərnişindaşıma qaydalarını pozanlar, həmçinin müvafiq sənədləri, dövlət qeydiyyat nişanı olmadan idarə edilən mopedlər aşkar olunub.
DİN Mətbuat Xidmətinin Lənkəran regional qrupunun baş inspektoru Məhəmməd Rzayev bildirib ki, aşkarlanan qayda pozuntularının hər biri ilə bağlı inzibati xəta haqqında protokollar tərtib edilib.
