Astara rayonu, Ərçivan qəsəbə sakinində narkotik aşkarlanıb. Bu haqda məlumatı Cenublu.az bu gün, 23 sentyabr tarixində Daxili İşlər Nazirliyinə istinadən verir.
Belə ki, Astara rayon Polis Şöbəsi əməkdaşlarının keçirdikləri əməliyyat tədbiri nəticəsində D.İbrahimovda heroin aşkar olunub.
Davam etdirilən tədbirlərlə ona narkotik vasitəni satmaqda şübhəli bilinən əvvəllər məhkum olunmuş F.Nəsirov da müəyyən olunaraq saxlanılıb. Şəxsi axtarış zamanı ondan 1 qramdan artıq heroin aşkar olunub. Əməliyyat-axtarış tədbirləri ilə onun yaşadığı evə baxış zamanı oradan 3 kiloqram 16 qramdan artıq heroin, 162 qramdan çox metamfetamin, elektron tərəzi və gümüş kağız aşkar olunaraq götürülüb.
