Dövlət Şəhərsalma və Arxitektura Komitəsinin sədri Anar Quliyev Astara şəhərində vətəndaş qəbulu keçirib. Bu haqda məlumatı Cenublu.az bu gün, 30 mart tarixində verir.
Görüşdə Lənkəran, Astara, Masallı, Lerik və Yardımlı rayon sakinlərinin müraciətləri səsləndirilib. Onların torpaq və digər daşınmaz əmlak üzərində hüquq, tikintiyə və istismara icazə icraatı, habelə digər şəhərsalma prosedurları barədə sualları cavablandırılıb.
Məsələlərin əksəriyyəti yerindəcə həllini tapıb, əlavə araşdırma tələb edən məsələlərlə bağlı müvafiq tapşırıqlar verilib.
