Əmək və Əhalinin Sosial Müdafiəsi Nazirliyinin vəzifəli nümayəndəsi Lənkəranda rayon sakinləri ilə görüşəcək. Bu haqda bu gün, 7 sentyabr tarixində Cenublu.az nazirliyə istinadən xəbər verir.
Qəbul zamanı nazirliyin aparat rəhbəri Fuad Musayev səlahiyyət dairəsinə aid müraciətləri cavablandıracaq, müraciətlərdə əksini tapan məsələlərin həlli ilə əlaqədar tədbirlər görəcək. Görüş 16 sentyabr tarixində baş tutacaq.
Fuad Musayevlə görüşmək istəyən vətəndaşlar 7-13 sentyabr tarixlərində nazirliyə rəsmi şəkildə ([email protected] elektron ünvanı və ya poçt vasitəsilə) müraciət edərək və ya 142 - Çağrı Mərkəzi ilə əlaqə saxlayaraq qəbula yazıla bilərlər.
