İyun ayında həyat yoldaşı tərəfindən qətlə yetirilən 20 yaşlı Leylanın və 8 aylıq körpəsinin ölümü ilə bağlı faktlar müəyyən olunub. Bu haqda məlumatı Cenublu.az bu gün, 26 iyul tarixində “AStar”a istinadən verir.
Leylanın babası Məhəmməd İbadov "AStar" layihəsində qətlin yeni təfərrüatlarından danışıb.
O, cinayət baş verən günü hadisə yerinə Leylanın anasından əvvəl qayınanasının gəldiyini və Leyla ilə 8 aylıq körpəsi evdə döşəmədə uzanıqlı vəziyyətdə qalan zaman onun özünə çoxsaylı bıçaq zərbələri yetirən oğlunu xəstəxanaya apardığını bildirib. Bu səbəbdən Leylanın babası bu cinayətin əvvəldən təşkil edildiyini iddia edir.
Fəridin 8 aylıq körpəsini bilməyərəkdən yaraladığı və ona iki bıçaq zərbəsi vurduğu deyilsə də, Leylanın atası balaca Aylanın qəsdən öldürüldüyünü deyib. O, Fəridin uşağı yatdığı döşəyin üzərində bıçaqladığını iddia edib.
Fəridin atası Firdovsi Hüseynli qətllə bağlı məlumatsız olduğunu bildirib və o gündən sonra oğlu ilə görüşə bilmədiyini deyib.
Qeyd edək ki, insident iyunun 20-də Abşeron rayonu, Qobu qəsəbəsində baş verib. 30 yaşlı Fərid Hüseynli həyat yoldaşı, 8 aylıq qızını öldürüb və daha sonra özünə xəsarət yetirib.
