Bu il qışın sərt keçməsi Astarada, xüsusilə limon bağlarına ciddi təsir edib.
Cenublu.az-ın əldə etdiyi məlumata görə, ağaclarda qalan meyvələr çürüyüb, yarpaqlar saralıb, bəziləri isə tamamilə quruyub.
Fermerlərə orta hesabla 4-5 min manata, böyük təsərrüfatlarda isə 10 min manata qədər ziyan dəyib.
Bioloq Yunus Qulamovun sözlərinə görə, şaxtalar adətən təbii olsa da, şirə hərəkəti başlayan dövrdə baş verən soyuqlar ağaclara mənfi təsir göstərir. İki həftə əvvəl yağan qar isə limon ağaclarının çoxunu məhv edib.
Astara Dövlət Aqrar İnkişaf Mərkəzinin direktoru Etibar Abbasov fermerlərə sığorta şirkətləri ilə müqavilə bağlamağı tövsiyə edib.
Qeyd edək ki, rayonda 4563 hektar sitrus bağı mövcuddur və əksəriyyəti 2018-ci ildən salınıb.
View this post on Instagram
