Lənkəran rayonunun Sütəmurdov kəndində baş vermiş qəzanı törədən şəxsin kimliyi məlum olub. Bu haqda məlumatı Cenublu.az bu gün, 20 may tarixində verir.
Belə ki, qəzanı törədən 21 yaşlı Əli Rufullazadə məşhur həkim, Lənkəran rayon Mərkəzi Xəstəxanasının Doğum şöbəsində çalışan mama-ginekoloq Mehparə Rufullayevanın oğludur. Onun bir neçə ay öncə “VAZ-2107” avtomobili ilə Nizami və Tağıyev küçələrinin kəsişməsində ölümlə nəticələnən daha bir qəza törətdiyi məlum olub. Həmçinin onun anası Mehparə Rufullayeva zaman-zaman mediada qadınların doğuş zamanı ölməsi ilə bağlı gündəmə gəlib.
Belə ki, 2014-cü ilin oktyabr ayında Astara rayonunun Ərçivan kənd sakini, 1980-cı il təvəllüdlü Xoşqədəm Yədulla qızı Məmmədova Mehparə Cəzail qızı Rufullayeva tərəfindən üzərində aparılmış qeysəriyyə əməliyyatından sonra ölüb. 2015-ci ildə isə eyni hadisə Cəlilabadın Alar kənd sakini, 1986-cı il təvəllüdlü Nuriyeva Rəhimə Şahəli qızının başına gəlib.
Qeyd edək ki, Əli Rufullayevin idarə etdiyi “Hyundai” markalı avtomobilin “VAZ-2106” avtomobilinə çarpılması nəticəsində sonuncunun sürücüsü, 37 yaşlı Nahid Turabov hadisə yerindəcə vəfat edib. Onun iki azyaşlı qız övladı olub.
Avtomobildə sərnişin qismində əyləşən 39 yaşlı Ülviyyə Hüseynova isə ağır xəsarətlərlə xəstəxanaya yerləşdirilib.
[caption id="attachment_38546" align="alignnone" width="336"]
Foto Cenublu.az[/caption]
