Sabirabad rayonunda 30 yaşlı Sərvər atasının əmisi nəvəsi olan yetkinlik yaşına çatmayan Zərifə ilə seksual münasibətdə olmaqda ittiham edilib.
Sərvər 2024-cü ilin mayında Zərifənin yaşadığı evdə və daha sonra həmin ayın sonlarında onunla cinsi əlaqədə olub. Buna görə ona Cinayət Məcəlləsinin 152.1-ci maddəsi ilə ittiham elan edilib.
Sərvər təqsirini qəbul etməyib. O bildirib ki, Zərifə ilə 2023-cü ildən sevgi münasibətləri olub və qızın atası da bundan xəbərdardır. Onun sözlərinə görə, may ayında Zərifənin evinə gedib, onunla söhbət edib və öpüşüb, lakin seksual hərəkət və cinsi əlaqə olmayıb.
Zərifə isə ifadəsində Sərvəri sevdiyini və onunla ailə quracağını düşündüyünü deyib.
Zərifə sonradan Sərvərin hədsiz qısqanclığından narazı qalaraq 2025-ci ilin oktyabrında anasının yanına gedib. Anasına baş verənləri danışdıqdan sonra polisə müraciət edib.
Sabirabad Rayon Məhkəməsi Sərvəri 1 il 11 ay 28 gün müddətinə azadlıqdan məhrum edib. Polis nəzarətində olan Sərvər məhkəmə zalında həbs olunub və cəzasını ümumi rejimli müəssisədə çəkəcək. Adlar şərtidir.
Mənbə: demokrat.az
