Masallının Yeddioymaq kəndində həmyerlisini qətlə yetirməkdə təqsirləndirilən Xanmurad Hüseynovun barəsindəki qərardan kassasiya şikayəti verilib. Şikayətə Ali Məhkəmədə hakim İlkin Rəcəbovun sədrliyi ilə baxılacaq.
Qeyd edək ki, 2024-cü il mayın 20-də 53 yaşlı Seymur öldürülüb.
İstintaq materiallarına əsasən, hadisəni qısqanclıq zəminində Aslan Ağazadə törədib. Onun Seymura odlu silahla atəş açdığı və bıçaqla xəsarətlər yetirdiyi müəyyənləşdirilib.
Araşdırma zamanı cinayətin Aslanın qohumu Xanmurad Hüseynovla birgə törədildiyi də müəyyən olunub və onun işi ayrıca icraata verilib.
Lənkəran Ağır Cinayətlər Məhkəməsinin hökmü ilə anlaqsız vəziyyətdə olduğu müəyyən edilən Aslan Ağazadə cinayət məsuliyyətindən və cəzadan azad edilərək məcburi psixiatrik müalicəyə göndərilib. Apellyasiya şikayəti təmin edilməyib.
Xanmurad Hüseynov isə 17 il 6 ay müddətinə azadlıqdan məhrum edilib.
Mənbə: Pravda.аz
