Masallı rayonunda iki qadın arasında mülk üstündə yaranan mübahisə faciə ilə nəticələnib.
Hadisə ötən ilin iyulun 19-də rayonun kəndlərindən birində baş verib. Ləman və mərhum qardaşının arvadı Elmira yaşadıqları evin həyətində əlbəyaxa dava edibl"r. Mübahisə zamanı Ləman daş və təpiklə Elmiranın bədəninə xəsarət yetirib, saçından tutaraq sürüyüb. Nəticədə Elmiranın sağ dirsəyi və dodağı yaralanıb.
Hadisədən sonra məhkəmə araşdırması zamanı təqsirləndirilən şəxs Ləman özünü asaraq intihar edib. Masallı Rayon Məhkəməsi Cinayət Məcəlləsinin 128-ci maddəsi ilə iş üzrə icraata xitam verib.
Zərərçəkmiş Elmira isə hadisə nəticəsində ona dəyən maddi və mənəvi ziyanın ödənilməsi üçün mülki iddiasının təmin edilməsini istəyir.
