Şirvan Apellyasiya Məhkəməsində Fərid Əbilovun barəsindəki hökmdən verilən apellyasiya şikayətinə baxılıb.
İttihama görə, hadisə Lənkəranda baş verib. Fərid Əbilovla arvadı Zinyət arasında mübahisə yaranıb. Qadının nalayiq ifadələr işlətməsindən sonra Fərid ona yumruqla sifət nahiyəsindən zərbə endirib.
Nəticədə Zinyət Əbilova müxtəlif xəsarətlər alıb. Ekspertiza bu xəsarətləri sağlamlığın qısa müddətə pozulmasına səbəb olan yüngül zərər kimi qiymətləndirib.
Məhkəmə Fərid Əbilovu Cinayət Məcəlləsinin 128-ci maddəsi ilə təqsirli bilib. Lənkəran Rayon Məhkəməsinin hökmünə əsasən, ona 9 ay müddətinə azadlığın məhdudlaşdırılması cəzası verilib.
Apellyasiya instansiyası isə bu qərarı dəyişməyib.
Adlar və soyadlar şərtidir.
Mənbə: pravda.az
