Lənkəran rayonunda keçmiş həyat yoldaşını döyməkdə təqsirləndirilən şəxs məsuliyyətdən azad edilib.
Hadisə rayonun Boladi kəndində baş verib. İttihama görə, 53 yaşlı Faiq Xıdırov (ad şərti) yaşadıqları evdə keçmiş həyat yoldaşının smartfon işlətdiyini görüb. Buna irad bildirəndə qadın keçmiş ərini təhqir edib. Beləliklə tərəflər arasında mübahisə yaranıb və Faiq qadının sifətinə şillə ilə zərbələr vurub. Zərbələrin təsirindən qadının başı divara çırpılıb və o, yerə yıxılıb. Nəticədə qadının 3 qabırğası sınıb, həmçinin sifət və bud nahiyəsindən xəsarətlər alıb.
Faktla bağlı cinayət işi açılsa da, məhkəmə zamanı tərəflərin barışdığı və zərərçəkənin şikayətçi olmadığı nəzərə alınaraq cinayət işinə xitam verilib. Təqsirləndirilən şəxs məsuliyyətdən azad olunub.
Mənbə: lent.аz
