Cəlilabad rayonunda ər-arvad arasında yaranan mübahisə cinayətlə nəticələnib.
Hadisə rayonun kəndlərindən birində baş verib. 1986-cı il təvəllüdlü Fərid həyat yoldaşı Aytənlə mübahisə zamanı onu saçından tutaraq itələyib, daha sonra yumruqla ağız nahiyəsinə zərbə vurub.
Fəridə qarşı Cinayət Məcəlləsinin 128-ci maddəsi ilə ittiham irəli sürülüb. O, məhkəmədə təqsirini tam etiraf edib.
Fəridin sözlərinə görə, son aylarda spirtli içki qəbul etməsi səbəbindən ailədə tez-tez mübahisələr yaranıb. Aytən həm polisə şikayət edib, həm də boşanmaq üçün məhkəməyə müraciət edib.
Hadisə günü Fərid evə sərxoş vəziyyətdə gəlib. Aytənin onunla boşanacağını deməsi mübahisəyə səbəb olub. Fərid əsəbiləşərək əvvəlcə onu itələyib, sonra isə bir dəfə yumruqla vurub.
Cəlilabad Rayon Məhkəməsinin hökmü ilə Fərid 3 ay müddətinə azadlıqdan məhrum edilib. Cəzasını ümumi rejimli cəzaçəkmə müəssisəsində çəkməsi müəyyənləşdirilib.
Adlar şərtidir.
Mənbə: demokrat
