Cəlilabad rayonu Günəşli kəndində əri Vüsal Cəfərovu qətlə yetirən 1994-cü il təvəllüdlü Kəsirə Cəfərovanın məhkəmə prosesi başa çatıb.
Məlum olub ki, hadisədən öncə Kəsirə Cəfəorva evdə səs-küy salan uşaqlara irad bildirməməsinə görə Vüsalla mübahisə edib. Bu mübahisənin davamında Kəsirə ərinə bir bıçaq zərbəsi endirib. Ürək nahiyəsinə bıçaq zərbəsi dəyən Vüsal Cəfərov xəstəxanaya aparılanda həyətdə yıxıldığını bildirib. Vüsalın vəziyyəti sonradan ağırlaşdığından həyatını itirib.
Həqiqət üzə çıxandan sonra isə Kəsirə törətdiyi əməli etiraf edib.
Qeyd edək ki, Vüsal Cəfərovun atası məhkəmədə gəlinini bağışladığını, ondan heç bir şikayətçi olmadığını bildirib.
Lənkəran Ağır Cinayətlər Məhkəməsində keçirilən prosesdə təqsirləndirilən şəxsə hökm oxunub.
Hökmə əsasən, Kəsirə Cəfərova 9 il müddətinə azadlıqdan məhrum edilib.
Mənbə: Xitab24.аz
