Cəlilabadda 22 yaşlı İlkin sevgi münasibətində olduğu yetkinlik yaşına çatmayan qızla cinsi əlaqədə olmaqda ittiham edilərək həbs olunub.
Məlumata görə, İlkin Sevda ilə "Instagram"da tanış olub. Bir müddət sonra münasibətləri ciddiləşib və evlənmək qərarına gəliblər. Lakin qızın anası bu evliliyə razı olmayıb. Bundan sonra onlar birlikdə qaçaraq İlkinin Cəlilabad rayonundakı evinə gediblər.
İlkinin ifadəsinə görə, qızın yaşı barədə məlumatı olmayıb və Sevda ona 17 yaşında olduğunu deyib. O, münasibətlərin qarşılıqlı razılıq əsasında olduğunu, zor və hədə-qorxu tətbiq etmədiyini bildirib.
Maraqlısı budur ki, qızın ailəsinin razılığı olmadan baş tutan bu hadisədən sonra ailə üzvlərinin iştirakı ilə el adətinə uyğun toy da keçirilib.
Sevda da məhkəmədə İlkinlə könüllü getdiyini, ona qarşı zor və təzyiq olmadığını, münasibətlərin qarşılıqlı razılıq əsasında baş verdiyini deyib.
Buna baxmayaraq, İlkin Cinayət Məcəlləsinin 152.1-ci maddəsi ilə təqsirli bilinib və 1 il 3 ay müddətinə azadlıqdan məhrum edilib. Cəzasını ümumi rejimli cəzaçəkmə müəssisəsində çəkəcək.
Adlar şərtidir.
Mənbə: demokrat.аz
