Biləsuvarda kişi qardaşı üçün borc istəyən arvadını döyüb.
Cenublu.az-ın məlumatına görə, hadisə şəhərin Heydər Əliyev küçəsindəki evdə baş verib.
Məhkəmə materiallarına əsasən, 1989-cu il təvəllüdlü Hüseyn yaşadığı evdə həyat yoldaşı Sevda ilə mübahisə edib.
Hadisə qadının qardaşı üçün ərindən borc pul istəməsindən sonra baş verib. İstintaq zamanı müəyyən edilib ki, Hüseyn mübahisə zamanı arvadına iki dəfə yumruqla zərbə endirib.
Təqsirləndirilən şəxs məhkəmədə özünü tam təqsirli bilib. O bildirib ki, qaynına borc pul verməkdən imtina etdikdən sonra aralarında mübahisə yaranıb və həmin vaxt əsəbiləşərək həyat yoldaşını vurub.
Kişi əməlindən peşman olduğunu, sonradan həyat yoldaşından üzr istədiyini və ona dəymiş ziyanı aradan qaldırdığını bildirib.
Biləsuvar Rayon Məhkəməsinin qərarı ilə Hüseyn cinayət məsuliyyətindən azad edilib və iş üzrə icraata xitam verib.
Qeyd edək ki, adlar şərti verilib.
Əsmər Sənani
