Saatlıda bacısının boşanmasına görə anası ilə dalaşan oğul həbs olunub.
Hadisə şəhər ərazisində qeydə alınıb.
41 yaşlı rayon sakini Allahverdi Həsənov bacısının boşanmasına əsəbiləşərək anasının yaşadığı evdə qab-qacağı və stulu sındırıb. Bacısı onun sözlərini eşitməyib ailəsi ilə barışmaq istəmədiyi üçün iki gün sonra yenidən anasının yaşadığı ikimərtəbəli binaya gedib. Binanın həyətində uca səslə anasını çağırıb və bacısının barışaraq öz evinə getməsini anasından tələb edib. Bu zaman Allahverdi uca səslə nalayiq ifadələr səsləndirib. Səs-küydən narahat olan qonşular polisə məlumat veriblər. Lakin Allahverdi Həsənov əraziyə gələn polislərə tabe olmaq istəməyib və hərəkətlərini davam etdirib.
O, saxlanılaraq şöbəyə aparılıb. Barəsində inzibati protokol tərtib olunub.
Məhkəmənin qərarı ilə A.Həsənov barəsində 10 gün müddətinə həbs cəzası təyin edilib.
Qeyd edək ki, ad və soyad şərtidir.
