Bakının Qaradağ rayonunda 20 yaşlı Sabirabad sakini Tahir azyaşlı qızla cinsi əlaqədə olmaqda ittiham edilərək həbs edilib.
Hadisə 2024-cü ilin sentyabrında baş verib. Məhkəmə materiallarına görə, Tahir həmin vaxt yetkinlik yaşına çatmayan Samirə (ad şərtidir) ilə "Instagram" vasitəsilə tanış olub və aralarında münasibət yaranıb.
İttihama əsasən, sentyabrın sonlarında Tahir qızın yaşadığı evə gedib və yataq otağında onunla cinsi əlaqədə olub. Tahir məhkəmədə ittihamı qəbul edib və əməlindən peşman olduğunu bildirib. O, qızın razılığı ilə münasibətdə olduğunu deyib.
Zərərçəkmiş isə ifadəsində Tahirin onu əvvəlcə başqa şəxslə münasibəti barədə məlumat yayacağı ilə hədələdiyini və bundan qorxduğu üçün onu evə dəvət etdiyini bildirib.
Qaradağ Rayon Məhkəməsinin hökmü ilə Tahir 2 il 7 ay 8 gün müddətinə azadlıqdan məhrum edilib. O, məhkəmə zalında həbs olunub və cəzasını ümumi rejimli cəzaçəkmə müəssisəsində çəkəcək.
Mənbə: demokrat.аz
