Biləsuvar rayonunda 38 yaşlı Elşən qonşusunun 8 yaşlı qızına qarşı seksual xarakterli hərəkətlər etməkdə ittiham olunub.
Hadisə 2025-ci il oktyabrın 19-da baş verib. İttihama görə, Elşən qızı və onun qardaşını televizora baxmaq bəhanəsi ilə evinə çağırıb. Uşaqlar əvvəl getmək istəməsələr də, Elşən onların əlindən tutaraq evə aparıb.
Daha sonra qızın qardaşını bir neçə dəfə küçəyə göndərib və evdə tək qalan 8 yaşlı uşağa qarşı seksual hərəkətlər edib. Qızın ifadəsinə görə, Elşən şalvarını aşağı çəkib, ona iyrənc hərəkətlər edib və baş verənləri anasına deməməsini tapşırıb. Uşaq isə evdən qaçaraq hər şeyi anasına danışıb.
Elşən məhkəmədə ittihamı qismən qəbul edib. O, yalnız uşağı üzündən öpdüyünü, başqa zorakılıq etmədiyini deyib. Lakin ibtidai istintaqda verdiyi ifadəsində seksual hərəkətlər etdiyini etiraf edib və peşman olduğunu bildirib.
Hadisəni eşidən uşağın anası Elşənin evinə gedərək ona hücum edib və üzünə yumruq vurub. Elşən isə "səhv etmişəm, bir də etmərəm" deyib.
Lənkəran Ağır Cinayətlər Məhkəməsi Elşəni 17 il müddətinə azadlıqdan məhrum edib.
Mənbə: Demokrat.аz
