Masallı Rayon Statistika idarəsindən verilən məlumata görə, 2023-cü ilin yanvar-mart ayları ərzində 24.742,7 min manatlıq və ya 2022-ci ilin müvafiq dövrünə nisbətən 18,5 faiz çox sənaye məhsulu istehsal edilib və sənaye xidmətləri göstərilib. İstehsalın ümumi həcmində emal sektoru 77,6 faiz, elektrik enerjisi, qaz və buxar istehsalı, bölüşdürülməsi və təchizatı bölməsi 21,1 faiz, su təchizatı, tullantıların təmizlənməsi və emalı bölməsi 1,3 faiz təşkil edib. Məhsulun 77,7 faizi qeyri-dövlət sektorunun payına düşüb.
Mədənçıxarma sənayesi müəssisələri tərəfindən 2023-cü ilin yanvar-mart ayları ərzində istehsal edilən və göstərilən xidmətlərin həcmi olmayıb.
Emal sektorunda 2023-cü ilin yanvar-mart ayları ərzində 19.195,9 min manatlıq məhsul istehsal edilib, 2022-ci ilin yanvar-mart aylarına nisbətən müqayisəli qiymətlərlə 20,8 faiz artıb.
Elektrik enerjisi, qaz və buxar istehsalı, bölüşdürülməsi və təchizatı sektorunda məhsul istehsalının real həcmi 2022-ci ilin yanvar-mart aylarına nisbətən müqayisəli qiymətlərlə 9,5 faiz artaraq 5225,2 min manat təşkil edib.
Su təchizatı, tullantıların təmizlənməsi və emalı sektorunda istehsalın real həcmi 2022-ci ilin yanvar-mart aylarına nisbətən müqayisəli qiymətlərlə 37,9 faiz artaraq 321,6 min manat təşkil edib.
