Masallıda əsas kapitala qoyulmuş investisiyalar 2,1 dəfə artıb. Bu haqda məlumat Masallı Rayon Statistika İdarəsindən Cenublu.az-a bu gün, 17 fevral tarixində daxil olub.
Belə ki, 2022-ci ilin yanvar-dekabr aylarında rayonun iqtisadi və sosial sahələrinin inkişafı üçün bütün maliyyə mənbələrindən əsas kapitala 124.289,3 min manat və ya 2021-ci ilin müvafiq dövrü ilə müqayisədə 2,1 dəfə çox vəsait yönəldilib. İstifadə olunmuş vəsaitlərin 98.230,0 min manatı və ya 79,0 faizi yaşayış evlərinin tikintisinə sərf olunub.
Əsas kapitala yönəldilmiş vəsaitlərin 92,0 faizini tikinti-quraşdırma işləri təşkil edir. Tikinti-quraşdırma işləri 2021-ci ilin müvafiq dövrü ilə müqayisədə 2,0 dəfə artaraq 114.394,6 min manat olub. Əsas kapitala yönəldilmiş vəsaitin 19,8 faizini dövlət sektoru, 80,2 faizini isə qeyri-dövlət sektoru təşkil edib.
