1 yanvar 2023-cü il tarixinə Masallı rayonu üzrə əhalinin sayı 225,3 min nəfər olub. Bu haqda məlumatı Cenublu.az bu gün, 28 fevral tarixində Masallı Rayon Statistika İdarəsinə istinadən verir.
2022-ci ildə rayonda 2743 doğum qeydə alınıb ki, bu da ötən illə müqayisədə 12,5 faiz və ya 304 doğum çoxdur. 2022-ci ildə 1244 ölüm halı qeydə alınıb. Bu ötən illə müqayisədə 15,2 faiz və ya 223 ölüm azdır.
Əhalinin təbii artımı 1499 nəfər təşkil edib.
2022-ci ildə rayonda 1281 nikah qeydə alınıb. Bu ötən illə müqayisədə 41,9 faiz və ya 378 nikah çoxdur.
2022-ci ildə 299 boşanma halı qeydə alınıb. Boşanmalar ötən illə müqayisədə 27,3 faiz və ya 112 boşanma azdır.
Əhalinin hər min nəfərinə təbii artım göstəricisi 6,7 olub.
