2023-cü ilin əvvəlinə Masallı rayonu üzrə pensiyaçıların sayı 21.909 nəfər olub. Bu haqda məlumat Masallı Rayon Statistika İdarəsindən verilib.
Onlardan 12.237 nəfər və ya 55,9 faizi yaşa görə, 7031 nəfər və ya 32,1 faizi əlilliyinə görə, 2641 nəfər və ya 12,0 faizi isə ailə başçısını itirməyə görə pensiya alanlardır. Təyin olunmuş aylıq pensiyaların orta məbləği 295,53 manatdır. Pensiyaçıların ümumi sayından 1261 nəfəri və ya 5,8 faizi işləyənlər, 20.648 nəfəri və ya 94,2 faizi isə işləməyənlər qrupuna daxildir.
Ünvanlı dövlət sosial yardımı təyin olunmuş ailələrin sayı 3080-dir. Ünvanlı dövlət sosial yardımı təyin olunmuş ailə üzvlərinin sayı isə 14.004 nəfərdir. Bir nəfərə düşən ünvanlı dövlət sosial yardımının orta aylıq məbləği 88,78 manat olub.
İşləməyən əhali üzrə sosial müavinat təyin olunmuş şəxslərin sayı 11.402 nəfərdir. Bir nəfərə düşən sosial müavinat üzrə orta aylıq məbləğ 159,54 manat olub.
Rayon üzrə birdəfəlik sosial müavinətlərin sayı 2105-dir.
