Son dövrlər bölgələrdə torpaq qiymətlərində nəzərəçarpan artım müşahidə edilir.
Xezerxeber.аz-ın məlumatına görə, bölgələrdə sotu 50,60, hətta 90 min manata torpaq sahələri satılır.
Əmlak məsələləri üzrə ekspert Elnur Fərzəliyev bildirib ki, xüsusilə ölkənin müxtəlif rayonlarında kənd təsərrüfatı və tikinti sahələrinə olan tələbin artması torpaq bazarının qiymətlərini yüksəldib.
Ekspert qeyd edib ki, yeni biznes sahələrinin açılması və bölgələrdə infrastruktur layihələrinə investisiya qoyulması torpaq bazarını stimullaşdıran amillərdən biridir:
“Xüsusilə Quba, Qusar, Xaçmaz, Zaqatala, İsmayıllı, Lənkəran kimi ərazilərdə qiymət artımı daha da nəzərə çarpır”
