Astarada ötən ildə pərakəndə ticarət dövriyyəsi 1,8% artıb. Bu haqda bu gün, 7 fevral tarixində Cenublu.az Azərtac-a istinadən xəbər verir.
Belə ki, 2022-ci ildə pərakəndə ticarət dövriyyəsi 2021-ci ilə nisbətən 1,8 % artaraq təqribən 238233,1 min manat olub. İstehlak məhsullarının hamısı qeyri-dövlət təsərrüfat subyektləri, o cümlədən 10,5%-i hüquqi şəxs statuslu ticarət müəssisələri tərəfindən satılıb.
2021-ci illə müqayisədə pərakəndə ticarət şəbəkəsində ərzaq məhsulları, içkilər və tütün məmulatlarının satışı 28,3% azalıb, qeyri-ərzaq mallarının satışında isə 43,1% artım müşahidə edilib.
