"Xəzər Lənkəran"ın keçmiş üzvü Orxan Səfiyaroğlu 1-ci Liqa klubunun baş məşqçisi təyin edilib.
Sportinfo.az xəbər verir ki, sabiq hücumçu ən azı mövsümün sonunadək "Hərbçilər"i çalışdıracaq. Uzun illərdir burada işləyən Ramin Nəsibov da ona köməkçi təyin edilib.
AZAL, "Simurq", "Xəzər Lənkəran", "Səbail" kimi klublarda oynamış Orxan Səfiyaroğlu son vaxtlar MOİK-də köməkçi-məşqçi vəzifəsində çalışıb.
Qeyd edək ki, "Hərbçilər"in baş məşqçisi Qəzənfər Abbasov martın 18-də istefa verib.
