“Xəzər Lənkəran”ın sabiq baş məşqçisi Mirça Rednik yenidən Azərbaycana dönmək arzusundadır.
Sportinfo.az xəbər verir ki, 2010-2011-ci illərdə cənub klubunu çalışdırmış rumıniyalı bu məqsədlə “Kəpəz”in yeni rəhbərliyinə “əlcək atıb”.
2011-ci ild «ağ-yaşıllar»a ölkə kubokunu qazandırmış mütəxəssis müxtəlif menecerlər vasitəsilə gəncəli rəsmilərə çıxış taparaq, bura qayıtmaq istədiyini bildirib.
Karyerası ərzində 20-dən artıq iş yeri dəyişən 62 yaşlı sükançı vəd edib ki, komanda yayda ona tapşıralarsa, iddialı heyət quracaq, birbaşa medallar uğrunda mübarizə aparacaq.
İllər öncə Lənkəranda çalışdığı üçün Gəncə azarkeşlərini də yaxşı tanıdığını söyləyən Rednik əmin eləyib ki, Azərbaycana səviyyəli legionerlər gətirəcək, gözə xoş gələcək futbol oynadacaq, azarkeşlərlərlə isti münasibət quracaq.
Qeyd edək ki, Rednik 2010-2011-ci illərdə illərdə “Xəzər Lənkəran”ı çalışdırıb. Cənub klubunu onun başçılığı altında 2011-ci ildə ölkə kubokunu qazanıb. Rumıniyalı hazırda ölkəsinin “UTA Arad” klubunun baş məşqçisidir.
