Bu gün Lerik şəhər stadionunda “Şahin” hərbi-idman oyununun rayon birinciliyi keçirilib.
Cenublu.az Lənkəran-Astara Regional Gənclər və İdman İdarəsinə istinadən xəbər verir ki, Lerik rayonu üzrə ümumtəhsil məktəblərinin 6 komandası arasında keçirilən yarışda Lerik rayon E.Səfərov adına Çayrud kənd tam orta məktəbinin komandası 3-cü yerə, Ə.Musayev adına Vizəzəmin kənd tam orta məktəbinin komandası 2-ci yerə layiq görülüb. Birinciliyin qalibi isə Lerik şəhər V.İbrahimov adına İnteqrasiya təlimli internat tipli gimnaziyanın komandası olub.
Qalib komanda Lerik rayonunu təmsil etmək hüququ qazanaraq Lənkəranda baş tutacaq zona mərhələsində iştirak edəcək.
