Lənkəranda "Sağlamlığa doğru qaç" yarışında 6 nəfər fəxri kürsüyə qalxıb.
Cenublu.az xəbər verir ki, baş tutan qaçış yarışı 7 iyun "Səhiyyə günü" ilə bağlı olub və Astara, Lerik, Yardımlı, Masallı, Cəlilabad, Lənkəran rayonlarından 147 nəfər səhiyyə işçisinin iştirakı ilə baş tutub.
5 km məsafəni qaçan tibb işçilərindən 3-ü xanım, 3-ü kişi olmaqla 6 nəfər qalib olub. Xanımlardan Astara, Lənkəran xəstəxanasının işçiləri və bir nəfəri də Lənkəran Tibb kollecinin tələbəsi, kişilərdən ikisi Lənkəran Tibb kollecinin tələbələri və bir nəfəri də Lənkəran xəstəxanasının işçisi hamıdan tez finiş xəttinə çataraq qalib elan olunublar. Birinci yeri tutanlara 500, ikinci yeri tutanlara 300, üçüncü yeri tutanlara isə 200 manat məbləğində pul mükafatı verilib. Eləcə də hər bir iştirakçıya xatirə medalları təqdim olunub.
Qeyd edək ki, son final yarışının Xankəndi şəhərində keçirilməsi nəzərdə tutulub.
