“Azərbaycan müəllimi” qəzetinin 90 illik yubileyi münasibətilə “Müəllimliyin insanlıq fəlsəfəsi” adlı esse müsabiqəsinə start verilir. Bu barədə Cenublu.az Elm və Təhsil Nazirliyinə istinadən məlumat verir.
Təhsilin istənilən pilləsində 2 il pedaqoji təcrübəyə malik olan müəllimlər müsabiqədə iştiraka dəvət olunurlar. Müsabiqəyə ədəbi dilin bədii, elmi və ya publisistik üslublarından biri üzrə müəllimin öz peşəsinə baxışına dair istənilən mövzuda, yalnız Azərbaycan dilində yazılmış esselər qəbul ediləcək.
Müsabiqənin mükafat fondu 10 000 (on min) manat dəyərindədir:
I yer (bir nəfər) – 3 000 AZN
II yer (iki nəfər) – 2 000 AZN
III yer (üç nəfər) – 1 000 AZN
Sentyabrın 28-dən start veriləcək müsabiqəyə esselərin qəbulu [email protected] elektron poçt ünvanı vasitəsilə dekabrın 1-dək davam edəcək.
Yarışma “Ədibin evi” Ədəbiyyata Dəstək Fondunun dəstəyi və təşəbbüsü ilə həyata keçiriləcək.
