Masallıda “Sağlam həyat tərzi və xəstəliklərin profilaktikası” mövzusunda maarifləndirici aksiya baş tutub. Bu haqda məlumatı Cenublu.az bu gün, 21 iyul tarixində verir.
Aksiya ümumi təhsil müəssisələrində və əhalinin sıx toplaşdığı yerlərdə təşkil olunub. Tədbir zamanı əhaliyə alkoqolun və tütünün istifadəsinin mənfi təsirləri, habelə fiziki aktivliyin və idman hərəkətlərinin orqanizm üçün faydaları barədə məlumatlar verilib. Aksiya zamanı əhalinin sıx toplaşdığı yerlərə maarifləndirmə məqsədilə plakatlar asılıb, sakinlərə bukletlər paylanılıb.
Qeyd edək ki, aksiya Rayon Gigiyena və Epidemiologiya Mərkəzi və Masallı Rayon Mərkəzi Xəstəxanası publik hüquqi şəxsi tərəfindən təşkil olunub.
