Azərbaycanlı gəncin rəsm əsərləri Norveç muzeyində nümayiş etdirilir.
Bu barədə Cenublu.az “New Diaspora of Azerbaijan”a istinadən xəbər verir. Belə ki, Azərbaycanın Lerik rayonunun Sori kəndindən olan gənc soydaşımız Səlim Abbaszadənin çəkdiyi "Xarıbülbül" rəsmi dünyanın 185 ölkəsindən uşaqların əl işləri ilə birlikdə Oslo Beynəlxalq İncəsənət Uşaq Muzeyinin (The International Museum Of Children's Art's) daimi sərgi salonunda nümayiş olunur. Gənc rəssamın “Tıq-tıq xanım” rəsmi isə muzeyin arxivində saxlanacaq.
Səlim Abbaszadə əsəri həmin Muzeydə sərgilənən ilk Azərbaycanlı gəncdir.
Oslo Beynəlxalq Uşaq İncəsənət Muzeyinin direktoru Anqela Qoldin S.Abbaszadənin rəsmlərindəki rəngarəngliyin və təbiət ünsürlərinin obrazlı təsvirinin "soyuq şimal"a istilik, sülh, gözəl və birlik bəxş edəcəyini bildirib və gələcəkdə Səlim Abbaszadə ilə əməkdaşlıq edəcəyini də vurğulayıb.
