Pauerliftinq idman növü üzrə çempionu Muradəli Elçin oğlu Qənbərli 19 oktyabr 1999-cu ildə Lənkəran şəhərində anadan olub. 2014-cü ildə Lənkəran şəhərində yerləşən "Zirvə" idman klubunda güc idman növü olan pauerliftinq idman növü ilə məşğul olmağa başlayıb.
O, pauerliftinq idman növü üzrə 2015-ci ildə respublika kubokunun, 2016-cı ildə respublika çempionatının, 2018-ci ildə Heydər Əliyevin 95 illiyinə həsr olunmuş turnirin qalibi olub.
Həmçinin Muradəli 7 dəfə Azərbaycan çempionu, 2020-ci ildə Avrasiya kubokunun qalibi olub.
O, 2022-ci ildə Qırğızıstanda keçirilən Dünya kubokunun Asiya hissəsində birinci yerə layiq görülüb və Beynəlxalq idman ustası adına layiq görülüb.
Muradəli Qənbərli pauerliftinq idman növü üzrə məşqçi-müəllim Kamran Əliyevin yetirməsidir.
