Lənkəranda məktəblilər arasında “Zəfər kuboku” keçiriləcək. Bu haqda məlumatı Cenublu.az bu gün, 2 noyabr tarixində Lənkəran-Astara Regional Təhsil İdarəsinə istinadən verir.
Nə? Harada? Nə zaman? formatında keçiriləcək bilik yarışında 20 komanda çempion adı uğrunda mübarizə aparacaq və qalib komandalar sonda mükafatlandırılacaq. Yarışmaya 5 noyabr saat 11:00-da start veriləcək.
Qeyd edək ki, bilik yarışı Lənkəran-Astara Regional Təhsil İdarəsi, Lənkəran şəhər Gənclər və İdman İdarəsi, Gənclərin İnkişaf və Karyera Mərkəzinin Lənkəran nümayəndəliyi və Lənkəran Klubunun birgə təşkilatçılığı ilə “Zəfər günü”nə həsr olunub.
