Avqustun 27-də Lənkəranda "Narkomaniyanın Fiziki, Mənəvi və Sosial Fəsadları" ilə bağlı tədbir keçirilib.
Cenublu.az xəbər verir ki, əsas məqsəd gəncləri narkomaniya və psixotrop maddələrin yaratdığı problemlər barədə maarifləndirmək, sağlam həyat tərzini təbliğ etməkdən ibarətdir.
Çıxış edənlər narkomaniyanın zərərləri, sağlamlığa vurduğu təhlükələr, yaratdığı problemlər və asılılığın cəmiyyətdəki təsirləri haqqında ətraflı məlumat veriblər.
Bildirilib ki, gənclərin düzgün yola yönləndirilməsində valideyn və müəllimlərin üzərinə böyük məsuliyyət düşür.
Qeyd edək ki, tədbir Lənkəran-Astara Regional Gənclər və İdman İdarəsi ilə Dini Qurumlarla İş üzrə Dövlət Komitəsinin Lənkəran Regional bölməsinin birgə təşkilatçılığı ilə Lənkəran Gənclər Evində baş tutub.
