Lənkəranda kitab sərgisi çərçivəsində bir çox məşhurlarla görüş təşkil olunacaq. Bu haqda məlumatı Cenublu.az bu gün, 4 mart tarixində verir.
Belə ki, kitab sərgisi çərçivəsində:
- 11 mart saat 13:00-dan 14:00-dək fotoqraf Vaqif Cabbarovla görüş və “Şovu 36 kadrda” fotosərgisinə baxış;
- 11 mart saat 14:00-dan 15:00-dək Xəzər Süleymanlı ilə imza və şeir saatı;
- 11 mart saat 15:00-dan 17:00-dək Elxan Elatlı ilə imza saatı;
- 12 mart saat 11:00-dan 12:00-dək Zaur Cahangirovun “Qırmızı ayaqqabı” kitabının təqdimatı;
- 12 mart saat 13:00-dan 14:00-dək Mail Yaqubla “Yaxşı kitab necə olur” mövzusunda görüş;
- 12 mart saat 14:00-dan 16:00-dək Rövşən Abdullaoğlu ilə görüş və imza saatı baş tutacaq.
Qeyd edək ki, I Lənkəran kitab sərgisi 10, 11, 12 mart tarixlərində Azərbaycan Nəşriyyatları Assosiasiyası, Mədəniyyət Nazirliyi və Lənkəran Şəhər İcra Hakimiyyətinin birgə təşkilatçılığı və Lənkəran-Astara Regional Təhsil İdarəsinin təşkilati dəstəyi ilə Lənkəran şəhəri Heydər Əliyev Mərkəzində keçiriləcək.
