2024-cü ilin altı ayı ərzində ölkədə yeni açılmış iş yerlərinin 2,1 faizi Lənkəran-Astara iqtisadi rayonunun payına düşür. Bu haqda məlumatı Cenublu.az bu gün, 17 avqust tarixində verir.
Ümumillikdə cari ilin altı ay ərzində ölkədə 45,4 min yeni iş yerləri açılıb. Yaradılmış iş yerlərinin 95,1 faizi qeyri-dövlət sektorunda açılıb.
Yeni açılmış iş yerlərinin 10,6 faizi yeni yaradılmış müəssisə və təşkilatlarda, 88,4 faizi mövcud müəssisə və təşkilatlarda, 0,3 faizi fəaliyyətini bərpa etmiş müəssisə və təşkilatlarda, 0,7 faizi isə digər tədbirlər üzrə yaradılıb.
Hüquqi şəxslər tərəfindən yaradılmış iş yerlərinin 26,4 faizi tikinti, 18,7 faizi ticarət; nəqliyyat vasitələrinin təmiri, 8,8 faizi emal sənayesi, 7,9 faizi turistlərin yerləşdirilməsi və ictimai iaşə, 7,7 faizi nəqliyyat və anbar təsərrüfatı, 7,1 faizi peşə, elmi və texniki fəaliyyət, 4,5 faizi inzibati və yardımçı xidmətlərin göstərilməsi, 3,2 faizi əhaliyə səhiyyə və sosial xidmətlərin göstərilməsi, 2,5 faizi digər sahələrdə xidmətlərin göstərilməsi, 2,3 faizi kənd təsərrüfatı, meşə təsərrüfatı və balıqçılıq, 2,3 faizi informasiya və rabitə, 2,2 faizi təhsil, 7,0 faizi isə digər iqtisadi fəaliyyət növləri üzrə açılıb
